تیترینه باخ تیترینه
عشقی قویوب ویترینه
سالوندا مست اولموشام
خبرنگار عطرینه
من یاشارام دمیرم
درویش‌لره امیرم
شهرداردان فایدا یوخ
فرمانداری گه‌میرم
جبری دی اختیاردی
شاه قاچیب بختیاردی
خبرنگار همیشه
بیزلره افتخاردی
میکروفونون دوربینین
تورک مالی‌دی یا کی چین
مسئوللارین خیری یوخ
گؤزلش وورماسین جیبین
حصری‌ده‌یم حصری‌ده
یاتیب قالیب نصری‌ده
بیری آجیندان اؤلور
بیری چیمیر قصری‌ده
قیزیل پرده چکیلیر
اختلاس‌چی اکیلیر
حق سؤزونو یازانلار
یارپاق کیمی تؤکولور
آندین آچیق بوی اوجا
اللرین اولموش هاچا
مختلسی اوغرونو
توت‌گینان قویما قاچا
بو گئجه شام کاباب‌دی
دونیا حیساب کیتاب‌دی
شیخیمیز دونن دیدی
سکه دولار حباب‌دی
باغریمی چاتدادان یوخ؟
حبابی پاتدادان یوخ؟
فساد آلیب وطنی
شله‌نی پورتدادان یوخ
اصلاحین اندیشه‌سی
اصولگرا ریشه‌سی
یاش قورونو قیچی لر
اجنبی‌نین تیشه‌سی
محبت گؤزوموزده
اعتماد سؤزوموزده
ائشیک‌ده بیر خبر یوخ
چاره‌سی اؤزوموزده
عرب‌لری دوزلوروق
دونیانی بوینوزلوروق
آمریکانی یاندیریب
روسیه ده بوزلوروق
آزادلیق دارا گلمیر
عدالت کارا گلمیر
امنیت آرالیق‌دا
قالیب آوارا گلمیر
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید